0 Items

Category: 馬王巨樂部 – 馬王

威進駒雷神現真身

第七場香港盃預賽2000米 「時時精綵」今季跑過兩仗皆出色,其實兩仗都不是這駒的最佳路程,初出千六跑第五、上場千八得第四名,負於同廄的「馬克羅斯」兩又四分一馬位,表現可接受;賽後復課狀態更進、步大力雄,今次的對手有六匹同上次相同,告東尼三駒之中「馬克羅斯」未必有機會如上仗慢放的形勢,「巴基之星」跑得出正常水準當然橫掃,反而「時時精綵」會在外欄例衝一段,B跑道二千有利此駒後衝一段、上兩場都是由何澤堯策騎,對此駒的性能熟悉,加上要穩奪國際騎師錦標賽入場資格,大賽當前、必拼無疑;「巴基之星」宜拖不宜做膽的馬匹、此駒二千當然正宗、可是此駒脾氣難估;「大雄圖」剛戰雖然無預期中衝得勁、晨課見馬匹並無不妥之處、給多一次機會;「明月千里」跑二千米七次得四冠、兩亞、一次第三,全入三甲,買Q、T要預佢。 第十場三班草地1400米 「威進駒」(上圖)上場塞足大半條直路,到百五米時始有空位移出以勁勢撲上,終點前負於頭馬「最新鮮」一個馬位,得一席殿軍,賽後操足再臨、馬身飽滿、狀態維持勇態,只跑了七仗的馬匹雖然只贏了一次,卻經常在前列位置回來,今次搵到回來一天客串的雷神壓陣,其實雷神上季也操過「威進駒」,今次首次替此駒上陣,勝望甚濃;「智愛」上場跑谷草千二都有第三、今次跑回兩勝的千四米、都係出擊的現象;「幸運興隆」配另一位客串一天的巫斯義、這類後勁馬合他發揮、沙田尾場利後上、有狀態之馬跑田草千四必成冷門、跑入嚟就有巨派彩;「勝利專家」千四最強、續配黃俊減磅、要埋無防。 馬王巨樂部提供 第七場           4時時精綵           1巴基之星           5大雄圖           3明月千里 第十場           11威進駒           13智愛           6幸運興隆           10勝利專家 (馬王 18/11/2018) 全民俾LIKE 人人「些牙」! ...

Read More

紅運戰士熱都要買

第一場五班1650米 「堅離地」今季跑過兩次,一次田草千四、上次谷草1650,雖然表現麻麻、可當是熱身,今次賽前繼續做功夫,馬身夠壯、出腳有力、壯態已見勇,今仗配潘頓似想拼個明白,排一檔,C跑道利內檔及前置馬匹,相信潘頓都不會把馬匹留得太後,守在前幾位競跑,今場得隻「好運齊來」放,其他都係居中型的馬匹,五班跟前始終有一定的優勢,蘇偉賢開鑼至今出馬106次暫得六場頭馬,沙田及快活谷各三場,配潘頓曾有「八十八十」勝出,位置有兩隻,落第的有三隻,騎練合作雖小,上名率都有50%,都係出擊的所在,今次「堅離地」大有可能為騎練合作帶來今季第二次的勝利;「旅遊大使」李易達散倉到高伯新後,上場即入Q,今場前置馬不多,又可跟在前競跑,再跑入嚟機會甚高;「生力軍」跑了三次千二,返回一戰得第四的1650或更適合;「萬里威揚」常常接近、都係要拖。 第八場二班1650米 「紅運戰士」只跑三仗、初出千二熱身跑第四、之後輕鬆兩勝1650;賽後試閘更暢順跟跑,大把在手;暫得八場頭馬的蔡神仙,踏入十一月開始都係這個馬房展開攻勢的時候,加上蔡神仙的質新馬好開會繼續好,熱都要買;上場孭133磅無懼外檔,今場升班孭119磅排四檔更好跑,大把評分在手,繼續用潘頓上陣,跑返C跑道同程,又易霸個好位,入直路一攻而破,今場對手難尋,三WIN一定有;「都靈紅星」加埋上季已連續三仗跑第二、用返贏馬拍檔梁家俊都係正路配腳;「鋒芒畢露」連仗準繩、上場贏埋、升班孭輕磅放頭又好跑、也是要揀的配腳;「勁哥兒」縮程或有冷機、跑入嚟就巨有分頭。 馬王巨樂部提供 第一場           10堅離地           6旅遊大使           7生力軍           4萬里威揚 第八場           8紅運戰士           5都靈紅星           11鋒芒畢露           6勁哥兒 (馬王 14/11/2018) 全民俾LIKE 人人「些牙」! ...

Read More

老實人送別麥菲文

第二場四班1200米 「老實人」(上圖7號馬)上次韋達排十四檔沿途留在最後的位置競跑,距離放頭馬十幾個馬位,於直路上後上如箭,以第五名過終點,負於頭馬「龍串鳳」三又四分一馬位,表現不俗;賽後復課仍做足功課、助手快跳有力有勁、維持作戰狀態,今季只跑了兩次的「老實人」繼續由韋達上陣,同場曾在他胯下上季爆大冷的「盈華盛甲」都不選,卻替這駒上陣,麥菲文今日在港最後一戰,出四駒替這駒打王牌上陣,續跑唯一贏馬的千二米,排在五檔形勢比上仗大好,可留守在中間位置,於有利後上的A跑道發揮其凌厲的後勁贏馬,替練馬師有個好的結局;「快樂旅遊」初出一千熱身後上場跑千二即贏馬、賽後試閘更一放到底,今次排一檔起步仍有威脅;「好運」跑兩次都接近、試閘湧住上、今季初出也要兼顧;「神火金剛」曾在田草千二跑第三、谷草熱兩場身後返回沙田千二用停賽在即的黃皓楠上陣、今季初出黃皓楠曾替此駒後上不俗跑第五、冷腳巨中尋。 第七場三班1400米 「愛馬劍」今季兩仗都是配利敬國上陣,首戰留在最後,於直路上後追甚多,雖然跑第八名,卻是成堆馬跑得近,只負於頭馬兩個多馬位;上場意外負於頭馬「最新鮮」一個鼻位(兩場都是輸比最新鮮),能勝之馬可謂唔好彩到極點,賽後積極備戰,晨操狀態仍勇猛十足、力足言勝,今次更負118輕磅上陣,於此組對手不算太強,利敬國在星期三晚谷草也開埋齋,沙田更是主場,對此駒熟悉,麥菲文在港最後一戰,出埋王牌,最後亮劍;「興爾」轉倉初出、有質之馬強配蘇兆輝、蘇保羅望擦靚招牌;「廣才」初出第三爆個大冷腳、續配韋達要兼顧;「勁有波幅」連續兩仗入Q、望體力可保持、可是排十三檔、位望較濃。 馬王巨樂部提供 第二場           4老實人           1快樂旅遊           8好運           11神火金剛 第七場           14愛馬劍           3興爾           4廣才           10勁有波幅 (馬王 10/11/2018) 全民俾LIKE 人人「些牙」! ...

Read More

寶利贏馬放眼量

第一場五班1000米 「勝在煌」今季在田草跑過三仗,狀態已有好轉,早前在沙田全天候跑道試了一課閘,未段望空後追勢強勁,七歲馬今晚安排在谷草一千米上陣,排個黃金一檔,此駒曾在谷草千二排一檔勝出、一次第二及一次跑第五,可見排一檔有助此駒起步後縮在中間位置慳腳程入直路衝上嚟,加上谷草B跑道利內檔及前置馬,巴度一向騎後勁馬強勁,加上未開齋,必拼;「首驫」楊明綸繼續摸實,都騎到熟晒,小心有一仗突如其來放到,一跑入嚟就巨;「雷超」例追一段,唯一贏馬在五班谷草B跑道同樣排三檔,都係要揀嘅馬;「團圓豐收」李易達散倉馬,隨時又係寶藏所在。 第六場三班1650米 「放眼量」曾在四班谷草B跑道勝同程,升上三班也能添一WIN及未失前五名,上仗初配李寶利跑入季軍,復課狀態仍保持、馬身KEEP好、有火有力,且跑同程上名率高,繼配剛在上賽日奪得騎師王的李寶利,此君今季雖未曾在谷草贏馬,但也有十次入位,今次排六檔起步,可順利守在中間位置,預計跑法都同上次一樣,入直路在跑道中間爆一例上嚟,李寶利已知馬兒的能力,忠心之馬有勝望;「合拍威龍」跑兩仗後改配韋達,今季達摩配乃信心保證,小心呢場變身;「紅旗星將」上場排十一檔也放入亞軍、今次排三檔更好跑;「勤得兼備」今季三仗都近,上場更贏埋,升班孭輕磅也有威脅。   馬王巨樂部提供 第一場           8勝在煌           11首驫             2雷超           6團圓豐收 第六場           4放眼量           6合拍威龍           8紅旗星將           12勤得兼備 (馬王 7/11/2018) 全民俾LIKE 人人「些牙」! ...

Read More

巴度重來大展雄圖

第三場五班1600米 「凱旋星光」上仗用祈普敦在谷草1650快放入位,雖負於頭馬「歐洲之星」三個馬位,卻與第二名的「旅遊大使」跑得接近而得一席季軍,已表現不俗,前日助手快操一課更見大大步走過、狀態保持,有爭勝水準;八歲馬都唔會保留,有狀態就去,此駒以往跑田草同程C+3出賽十二次,得一冠兩亞一季,唯一勝仗正在此,當時評分是42分,現評35分,今場換上韋達排四檔,負130磅上陣,同場快放馬唔多,預計都會順利在頭搶放,C+3跑道放頭馬一向有利,騎練合作於10月24日也有「快閃的」孭131磅勝出,霍利時都喜歡用韋達出擊,此駒有一定的分頭,第一口孖T仲要五班賽,宜向巨埋手;「有衝勁」以往在李易達馬房曾勝田草千六、現轉投方嘉柏馬房操足而臨、在從化用今仗騎師田泰安試閘有追勢,能守好位之馬可威脅;「潮州小子」今季連續三仗入位、減分已多之馬勝在夠準、都要兼顧;「贏歌」上仗在谷草跑第三已見進步、操足用硬淨的蘇兆輝、今場要睇實。 第七場婦女銀袋賽1800米 「大雄圖」由告東尼回歸高伯新初出,晨操馬身見壯、走勢步大力雄、試跑馬地閘留前鬥後追入第三,前季第一次出賽及上季初出皆勝之馬,可見休出特佳,有力替高伯新省招牌,此駒跑田草千八三次得一冠兩亞,未失頭兩名,在谷草千八一勝即勝,可見跑千八路有專長,今場有快步速,得九隻馬場合一定有位,用巴度跑後上隨時又爆巨冷、此盃利冷門,馬少場合易爆冷,此駒有分頭咪放過;「巴基之星」練馬師告東尼於此盃成績優秀、此場出三駒,今日更佈下強陣截擊叛將,都係要揀之馬;「歡樂之光」越贏越易、放出難追、負磅超輕必選之馬;「時時精彩」兩次跑田草千八一冠一亞全上名、用何澤堯有好分頭、拖腳一定要預佢。 馬王巨樂部提供 第三場           5凱旋星光           8有衝勁           1潮州小子           7贏歌 第七場           4大雄圖           1巴基之星           8歡樂之光           2時時精彩 (馬王 4/11/2018) 全民俾LIKE 人人「些牙」! ...

Read More

Pin It on Pinterest